من تنمر طفولة إلى تحقيق حلم، قررت أحب شعري وأعتني فيه. وكل ما حبيته أكتر، كل ما صار أحلى.
من وأنا صغيرة دايما كان يكون في تعليقات على شعري، بالأخص من الستات الكبار "شعرك خريسة، نيجروا، او غيره" ودايما كان يزعجني الموضوع.
في الجامعة التقيت في كتير ناس شعرهم كيرلي، وبجنن وفخورين فيه، شوي شوي بلشت أحب شعري. وكان عندي صديقة مبلشة في روتين الشعر الكيرلي، وبلشت تعطيني نصائح ايش اعمل وكيف أبلش.
وأول مرة اشتريت منتج شعر كيرلي وانا بالجامعة، اجى شب افريقي على بسكليت، يسلمني المنتج على محطة الباص، حسيت وكأني بشتري ممنوعات.
شوي شوي، انتقلت من مرحلة شعر خربان من السشوار، والمنتجات الغلط، لشعر صحي، وطبعا مش بيوم وليلة.
الموضوع سهل؟ طبعا لأ، بس إزا معنيين، راح تستمتعوا في الرحلة.
حبيت أعمل مجتمع خاص فينا للشعر الكيرلي، يكون متوفر فيه كل اشي ممكن تحتاجوه. وطبعا حبيت يكون في صناعات فلسطينية لدعم ستات بشتغلوا في بيوتهم 🍉
وهلأ دوركم تبلشوا في رحلة حب الذات❤
shop now
